ПЦ “Вясна” дапаможа ахвярам міліцэйскага свавольства

Як стала вядома супрацоўнікам праваабарончага цэнтру “Вясна”, падчас затрыманьняў грамадзянаў, якія прымалі ўдзел у акцыях маўклівага пратэсту 22 і 29 чэрвеня, супрацоўнікамі міліцыі незаконна ўжывалася фізычная сіла: ужо затрыманых грамадзянаў зьбівалі ў спецтранспарце, абражалі іх гонар і годнасьць.

Усе, хто стаў ахвярамі міліцэйскага свавольства, могуць зьвярнуцца ў ПЦ “Вясна”. Людзям будзе аказаная дапамога ў абскарджваньні дзеяньняў супрацоўнікаў міліцыі ў пракуратуры. Дадзеная інфармацыя таксама будзе накіраваная ў Камітэт ААН па катаваньнях.

Абразам і зьбіцьцю затрыманых грамадзянаў – ня месца ў сучаснай Беларусі!