Хроніка пераследу за 9 кастрычніка: выклікі ў пракуратуру, затрыманні і вобшук у праваабаронцы Дапоўнена
Ціск і пераслед людзей па палітычных прычынах у Беларусі працягваецца. Праваабаронцы "Вясны" збіраюць факты пераследу па ўсёй краіне: затрыманні, вобшукі і іншыя формы ўздзеяння на грамадзянаў з-за актыўнай пазіцыі і выказванне свайго меркавання.
Калі вас ці вашых блізкіх затрымалі, паведамляйце нам праз тэлеграм-бот @viasna_bot ці на гарачую лінію:+375 44 734 45 51+375 29 841 39 81+375 17 377 55 40.Тэлеграм @ViasnaSOS, @SOSViasna |
Як паведамляе Еўрарадыё, супрацоўнікаў "Нафтана", якія запісалі зварот пра Беларусь сваёй мары, выклікаюць у пракуратуру г. Наваполацка 9 кастрычніка.
Супрацоўнікі "Нафтана" запісалі зварот 6 кастрычніка, у ім прыняло ўдзел 36 чалавек.
Каля 11-й раніцы ў кватэру да валанцёра і актывіста Іллі Міронаву прыходзілі супрацоўнікі міліцыі, паведамляе TUT.BY. Маці Іллі не стала адчыняць дзверы, размаўляла з імі праз ланцужок. Па словах Валянціны, участковы і два яго калегі хацелі затрымаць Іллю па адміністрацыйнай справе па артыкуле 23.34 КаАП, аднак за які эпізод - не ўдакладнілі.
У Мачулішчах Мінскага раёна раніцай 9 кастрычніка ў сябе дома затрымалі Аляксандра Піражэню. Прычына затрымання пакуль невядомая.
Зараз ён знаходзіцца ў РУУС Мінскага раёна.
У Бабруйску да праваабаронцы Сяргея Лацінскага і яго жонкі Алесі, якая з'яўляецца журналісткай інтэрнэт-партала Bobr.by, ломяцца ў кватэру міліцыянты. Відавочна, да іх прыйшлі з вобшукам.
У Гомелі затрымалі журналістку Ларысу Шчыракову.
Таксама ў Гомелі крымінальны росшук прыехаў дадому да Алены Кравец і прапанаваў жанчыне праехаць з імі, бо ў дачыненні да яе вядзецца адміністрацый працэс па арт. 23.34 КаАП.
У Брэсце каля 12 гадзін быў затрыманы Генадзь Рослік. Яго затрымлівалі ўчастковы і трое чалавек у цывільным. Вядома, што ён быў дастаўлены ў ІЧУ.
Каля 17.30 была затрыманая журналістка Яўгенія Доўгая. Супрацоўнікі міліцыі адвезлі яе ў Партызанскі РУУС г. Мінска.
У Наваполацку міліцыянеры прыйшлі затрымліваць па крымінальнай справе за падзеі 9 жніўня Дзяніса Гурскага.
У Гомелі міліцыя зноў прыйшла да рэдактара "Сильные новости" Ганне Якштас. Яе забралі ў РАУС і да суда будуць утрымліваць у ІЧУ.
У Магілёве за некалькі хвілін да вызвалення Вольгу Семчанку супрацоўнікі міліцыі вывезлі з ІЧУ, дзе яна правяла 7 сутак арышту за ўдзел у мірнай акцыі пратэсту. Пазней стала вядома, што яе даставілі ў Ленінскі РАУС горада, пасля чаго адпусцілі.
У Мінску затрыманая кандыдатка філасофскіх навук, выкладчыца ECLAB, сябра асноўнага складу Каардынацыйнага савета Вольга Шпарага. Таксама каля офіса сваёй працы была затрыманая суарганізатарка фемгрупы Каардынацыйнага Савета Юлія Міцкевіч.
Вечарам у Самахвалавічах былі затрыманыя Раман Басалай і Аляксандр Рэшатко.
Інфармацыя будзе дапаўняцца
![]()
Суды працягваюць выносіць пастановы за падзеі 10-13 жніўня