viasna on patreon

Amnesty International запусціла петыцыю супраць гвалту ў дачыненні да мірных дэманстрантаў у Беларусі

2020 2020-07-28T10:29:06+0300 2020-07-28T10:29:07+0300 be https://spring96.org/files/images/sources/zatrymanne_14_viasna9.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Міжнародная праваабарончая арганізацыя Amnesty International пачала збор подпісаў пад пэтыцыяй да міністра ўнутраных спраў Беларусі, якая заклікае да спынення прымянення гвалту ў дачыненні да мірных дэманстрантаў. Тэкст дакумента размешчаны на афіцыйным сайце арганізацыі, піша TUT.BY.

Затрыманні 14 ліпеня на Нямізе. Фота: spring96.org
Затрыманні 14 ліпеня на Нямізе. Фота: spring96.org

Amnesty International паведамляе, што па ўсім свеце людзей глыбока ўсхвалявалі рэпартажы, фота і відэа з Беларусі, дзе распавядаецца пра жорсткае падаўленне мірных пратэстаў: увесь свет убачыў, як сотні людзей, у тым ліку і выпадковых мінакоў, арыштоўвалі часта з ужываннем празмернай сілы, прычым у многіх выпадках затрыманых саджалі ў машыны без апазнавальных знакаў людзі ў цывільным. Петыцыя, падпісаць якую заклікае арганізацыя, утрымлівае патрабаванні да неадкладнага спынення міліцэйскага гвалту.

Петыцыя заклікае міністра ўнутраных спраў Беларусі Юрыя Караева:

  • неадкладна спыніць прымяненне гвалту супрацоўнікамі органаў правапарадку ў дачыненні да мірных пратэстоўцаў і журналістаў;
  • забяспечыць, каб цалкам выконваліся правы на свабоду мірных сходаў і свабоду слова;
  • забяспечыць, каб усіх супрацоўнікаў органаў правапарадку, якія ўзаемадзейнічаюць з насельніцтвам, можна было індывідуальна ідэнтыфікаваць па імя або асабістаму нумару, а таксама распачаць усе іншыя неабходныя крокі да таго, каб гарантаваць поўную адказнасць такіх супрацоўнікаў і іх камандзіраў за ўсе свае дзеянні.

Затрыманні на мірных акцыях 14 і 15 ліпеня. Лічбы і геаграфія

Па дадзеных праваабаронцаў “Вясны”, на мірных акцыях супраць нерэгістрацыі кандыдатамі ў прэзідэнты Віктара Бабарыкі і Валерыя Цапкалы, а таксама на іншых акцыях салідарнасці (і пасля іх), якія праходзілі 14 і 15 ліпеня, у Беларусі было затрымана як мінімум 420 чалавек.

Апошнія навіны

Партнёрства

Сяброўства