“Апытвалі ў фае і на лавачцы”. Праваабаронца Вайцешык наведаў міліцыю
Праваабаронца Аляксандр Вайцешык наведаў Нясвіжскі РАУС па позве, якую яму ўручылі наўпрост у лякарні. Пратакол аб адміністрацыйным правапарушэнні пакуль не складзены.
Амаль тры гадзіны цягнулася апытанне Вайцешыка. Яго праводзіў капітан міліцыі і старэйшы ўчастковы інспектар М. Хвіцько ў фае РАУСа.
“Мы сядзелі там утрох на адной лавачцы — я, адвакат і Хвіцько. Больш там сядзячых месцаў не было. Час ад часу падыходзіў нехта з начальства РАУС па прозвішчы Чыжык і цікавіўся, як ідзе апытанне”, — распавёў праваабаронца.
Таксама Вайцешык заявіў хадайніцтва аб спыненні справы ў сувязі з адсутнасцю склада правапарушэння, а таксама хадатайніцтва аб апытанні сведкаў: актывіста РЭП Мікалая Чарнавуса, журналісткі Тамары Шчапёткінай і праваабаронцы Сяргея Гоўшы. Апошняе хадайніцтва задаволілі.
Яшчэ адно хадатайніцтва — аб тым, каб разглядаць справу па месцу жыхарства (бо большасць сведак, і сам Вайцешык, жывуць у Баранавічах) было адхілена.
У выніку Хвіцько хацеў уручыць Вайцешыку новую позву з’явіцца ў Нясвіжскі РАУС 28 лютага. Але Вайцешык хадайнічаў аб тым, каб сустрэчу перанеслі на 2 сакавіка. Хвіцько абяцаў праваабаронцу, што патэлефануе і паведаміць, калі ж дакладна яму неабходна прыйсці ізноў, каб азнаёміцца з матэрыяламі справы.
![]()
У Нясвіжы на выходных затрымалі праваабаронцу "Вясны"