viasna on patreon

Суд над Дзмітрыем Паліенкам перанесены Фота Дапоўнена

2019 2019-09-25T10:38:01+0300 2019-09-30T15:36:38+0300 be https://spring96.org/files/images/sources/palienka_sud3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На 10 гадзін раніцы 25 верасня быў прызначаны судовы працэс над актывістам анархісцкага руху Дзмітрыем Паліенкам. Меркавалася, што суд будзе праходзіць у закрытым рэжыме. 

Да пачатку працэса каля будынка суда сабраліся актывісты Беларускай сацыял-дэмакратычнай партыі "Народная Грамада" і "Еўрапейскай Беларусі", якія разгарнулі перадвыбарчы пікет. 

Будынак суда хтосьці закідаў чырвонай фарбай. 

Праз некаторы час плямы фарбы зафарбавалі. 

Акрамя актывістаў, якія прыйшлі падтрымаць Дзмітрыя, каля суда і ў самім будынку знаходзяцца шматлікія супрацоўнікі ў штацкім, некаторыя здымаць прысутных на відэа. 

Аднак, стала вядома, што суд адкладзены з-за хваробы суддзі Пятра Арлова

Пікетоўцы і актывісты не разыходзяцца. 

Да пікетоўцаў падыйшлі прадстаўнікі 103 выбарчай камісіі, якія заявілі, што ўсе відэаздымкі павінны вырабляцца з дазволу камісіі. Валерыя Бычкоўскага, які з'яўляецца прэтэндэнтам у кандыдаты на дэпутацкае крэсла Палаты прадстаўнікоў, папярэдзілі, што ён будзе выкліканы на паседжанне камісіі з-за правакацыйных матэрыялаў на пікеце. 

palienka_sud13.jpg
Старшыня 103 выбарчай камісіі

Праз некаторы час усе прысутныя разышліся. 

Нагадаем, Дзмітрый Паліенка быў затрыманы 20 сакавіка па падазрэнні ў здзяйсненні асабліва злоснага хуліганства (арт. 339 КК). Па меркаванні следства, ён распыліў пярцовы газ у твар мужчыне, які зрабіў яму заўвагу за курэнне на лесвічнай пляцоўцы. Раней, 21 студзеня, яго затрымлівалі з Яўгенам Чуліцкім і Анастасіяй Гусевай па падазрэнні ў здзяйсненні злачынства па арт. 341 Крымінальнага кодэкса (апаганьванне будынкаў і псаванне маёмасці) за нанясенне графіці на адным з будынкаў Мінску, але праз трое сутак адпусцілі.

Праваабаронцы выступілі з заявай, у якой патрабуюць адкрытага судовага разбіральніцтва па справе Дзмітрыя Паліенкі.

Справа Дзмітрыя Паліенкі: 11 важных фактаў

Што праваабаронцам “Вясны” вядома на сённяшні момант пра справу Паліенкі? Давайце разбярэмся.

 У матэрыяле выкарастаныя фотаздымкі назіральнікаў #ControlBY


 Навіны ад Spring96.org у Telegram. Падпішыся на наш канал https://t.me/viasna96

Апошнія навіны

Партнёрства

Сяброўства