НОВЫ АКТ ВАНДАЛІЗМУ Ў КУРАПАТАХ -- МЕСЦЫ МАСАВЫХ РАСТРЭЛАЎ ГРАМАДЗЯНАЎ ПАДЧАС СТАЛІНСКІХ РЭПРЭСІЯЎ (паводле Радыё Свабода)

Напярэдадні 10-х угодкаў візыту амэрыканскага прэзыдэнта Біла Клінтана ў Беларусь у Курапатах невядомыя зламалі памятны знак (лаву)- дар амэрыканскага народу беларускаму. Нагадаем, што два гады таму лаву адрэстаўравала амбасада ЗША.Лёс памятнага знаку (лавы) напрацягу цягам гэтых дзесяці гадоў быў складаны. «Першы раз парушылі гэтую лаву ў 1997 годзе. Прыйдзеш, а там адбіты кавалачак. Чатыры разы, калі лічыць і сёньня, ламалі толькі за апошнія тры гады», -- распавёў Радыё Свабода старшыня грамадзкага аб’яднаньня “Курапаты” Вацлаў Нямковіч.