Human Rights Watch і CPJ просяць стварыць "гарачую лінію" для журналістаў падчас Еўрапейскіх гульняў у Мінску

2019 2019-05-10T14:22:20+0300 2019-05-15T18:02:44+0300 be https://spring96.org/files/images/sources/image.png Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Лагатып Камітэта абароны журналістаў (CPJ)

Лагатып Камітэта абароны журналістаў (CPJ)

Міжнародныя няўрадавыя арганізацыі Human Rights Watch і Камітэт абароны журналістаў (CPJ) звярнуліся ў міжнародную арганізацыю Еўрапейскія алімпійскія камітэты з просьбай стварыць падчас гульняў у Мінску "гарачую лінію" для скаргаў журналістаў і механізм разгляду такіх скаргаў.

Паводле інфармацыі прэс-службы ГА "Беларуская асацыяцыя журналістаў", у сваёй заяве праваабаронцы звяртаюць увагу на дрэнную рэпутацыю беларускіх уладаў у плане свабоды медыя і выказвання меркавання. Яны нагадваюць пра ператрусы ў рэдакцыях медыя, затрыманні і судовы пераслед журналістаў, нядаўнюю «справу БелТА».

У сувязі з гэтым Human Rights Watch і Камітэт абароны журналістаў просяць стварыць на час гульняў у Менску "гарачую лінію" і механізм разгляду скаргаў журналістаў, чые правы могуць быць парушаныя.

Еўрапейскія алімпійскія камітэты (ЕОС) — гэта асацыяцыя з 50 нацыянальных алімпійскіх камітэтаў, якая праводзіць Еўрапейскія гульні. EOC і яго сябры з'яўляюцца часткай алімпійскага руху і кіруюцца алімпійскай хартыяй, якая ўключае гарантыі свабоды СМІ.


  Навіны ад Spring96.org у Telegram. Падпішыся на наш канал https://t.me/viasna96

Апошнія навіны

Партнёрства

Сяброўства