Праціўніка будаўніцтва акумулятарнага завода жорстка затрымалі на вачах у сына

2019 2019-05-06T11:03:53+0300 2019-05-15T17:58:54+0300 be https://spring96.org/files/images/sources/bierasce-2019-04-14-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Віталь Шавяленкоў
Віталь Шавяленкаў

5 траўня ў Брэсце міліцыянты жорстка затрымалі Віталя Шавяленкава — праціўніка будаўніцтва акумулятарнага завода, адзначае Еўрарадыё. Затрыманне адбывалася на вачах малалетняга сына, якому чатыры з паловай гады. 

"Як распавёў сусед Раман, каля 11:30 ён пачуў крыкі на вуліцы каля №11 на вул. Энгельса. Праз вакно ён убачыў, як яго суседа Віталя Шевяленкава запіхвалі ў міліцэйскі "бобік" тры міліцыянта і адзін ў цывільным. Віталь зваў на дапамогу, крычаў "Ратуйце!" У двух кроках ад іх стаяў сын Віталя і крычаў на ўсю вуліцу. Нейкім чынам міліцыянты адпусцілі Віталя, і ён ўзяў сына пасадзіў у свой аўтамабіль, які стаяў побач, закрыў дзверы і кінуўся бегчы у бок парку Першага траўня. Мянтоўскі "бобік" паехаў за ім. 

Малы, зачынены ў аўто, ашалела крычаў. 

Праз некалькі хвілін аўто адчыніла жонка Віталя. Да яе ў кватэру зайшоў незразумелы лысы чалавек і сказаў, што ў іх машыне плача дзіця. Ён адмовіўся прадстаўляцца і паказваць свой мянтоўскі аўсвайс і вельмі хутка збег адтуль на сваім цывільным аўто. Прыкладна ў той час Раман пачуў як нехта з міліцыянтаў далажыў па рацыі, што Віталя затрымалі па 17.1 і адвезлі ў Ленінскі РАУС", — апісаў сітуацыю брэсцкі блогер Сяргей Пятрухін

Па яго словах, жонка Шавяленкава аднесла Віталю перадачу. Сам мужчына, дарэчы, цяпер знаходзіцца на бальнічным па доглядзе за сынам.

У каментары Радыё "Свабода" жонка Шавяленкава Ганна распавяла: у міліцыі ёй заявілі, што абскардзіць дзеянні міліцыянтаў яна можа ў пракуратуры. Там у сваю чаргу паведамілі, што скаргу змогуць зарэгістраваць толькі 10 траўня, калі скончацца доўгія выходныя.

5 траўня брэстаўчане традыцыйна абраліся на плошчы Леніна "пакарміць галубоў". Так яны ўжо некалькі месяцаў пратэстуюць супраць будаўніцтва акумулятарнага завода на ўскрайку горада. Паводле неафіцыйных ацэнак на акцыю ў нядзелю выйшла каля 120 чалавек. 


  Навіны ад Spring96.org у Telegram. Падпішыся на наш канал https://t.me/viasna96

Апошнія навіны

Партнёрства

Сяброўства