Брэсцкі аблсуд разгледзеў скаргі журналістак-фрылансераў Тамары Шчапеткінай і Міланы Харытонавай Дапоўнена
Тамара Шчапеткіна ў судзе.
У Брэсцкім абласным судзе снежня разгледжаная скарга журналісткі-фрылансера Тамары Шчапеткінай на пастанову суда Бярозаўскага раёна. За выраб прадукцыі для замежнага СМІ без акрэдытацыі яе пакаралі штрафам у памеры 35 базавых велічынь.
Як паведамляе з суда праваабаронца Уладзімір Вялічкін, Тамара Шчапеткіна заявіла хадайніцтва аб тым, што не з'яўляецца журналістам Беларускага Радыё Рацыя і далучыла ксеракопію працоўнай кніжкі.
Яна заяўляе, што Канстытуцыя і міжнароднае права гарантуе ей права на распаўсюд і атрыманне інфармацыі і выказванні думкі.
“Я не журналіст Радыё Рацыя, што я тут раблю? Я не магу фатаграфаваць, не магу гаварыць і пісаць. Каму вы служыце, КДБ? – кажа Шчапеткіна.
Тым не меней, суддзя абласнога суда Руслана Сянько вынесла рашэнне прыстанову суда Бярозаўскага раёна пакінуць без зменаў, а скаргу без задавальнення.
Больш пашанцавала журналістцы Мілане Харытонавай, якая абскарджвае 2 пастановы судоў Ленінскага раёна г.Брэста і суда Камянецкага раёна па тым жа самым артыкуле 22.9-2 КаАП.
Харытонава ў суд не з'явілася.
Суддзя Сянько прымае рашэнне адмяніць пастанову раённага суда і накіраваць адміністрацыйную справу на разгляд да іншага суддзі.
А скаргу на іншую пастанову справу па тым жа самым артыкуле разглядаў іншы суддзя Аляксандр Саўчук. У адсутнасць Харытонавай ён пакінуў скаргу журналісткі без задавальнення.
