Анатоля Мышкевіча аштрафавалі на 14 базавых

2018 2018-11-15T16:59:52+0300 2018-11-15T17:17:05+0300 be https://spring96.org/files/images/sources/myshkevich_1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Анатоль Мышкевіч. Фота: Радыё Рацыя.

Анатоль Мышкевіч. Фота: Радыё Рацыя.

14 базавых адзінак адміністрацыйнага штрафу прысудзіў суддзя Ленінскага раёна Гародні  Дзмітрый Бубенчык гарадзенцу Анатолю Мышкевічу, паведамляе Беларускае Радыё Рацыя.

Суд над грамадскім актывістам, каардынатарам цывільнай ініцыятывы «Гародня» Анатолем Мышкевічам прайшоў у гарадзенскім Ленінскім раённым судзе. Разглядалася яго адміністрацыйная справа паводле артыкула 23.34 частка 1 — «несанкцыянаванае масавае мерапрыемства». Сваёй віны Анатоль не прызнаў:

— Я раздаваў улёткі. Змест іх быў такі ж самы, як і на плакаце. Гэта надпіс: «Мы помнім, не дазволім паўтарыць». Былі выявы гэтых чатырох чалавек. Людзям, калі даваў улёткі, нагадваў, казаў, што ў гэты дзень адбылося. Калі я пачынаў расказваць, то ўсе помняць пра гэтых людзей, і ўсе былі абураныя. Усе добра разумеюць, што людзі, якія былі ва ўладзе, каб утрымаць уладу, былі гатовая пайсці на любое злачынства.

16-га верасня сёлета Анатоль правёў адзіночную акцыю. На муры аднаго з дамоў з’явіўся плакат са здымкамі зніклых беларусаў: Юрыя Захаранкі, Віктара Ганчара, Анатоля Красоўскага і Змітра Завадскага. Праваабаронцы ўважаюць падобныя судовыя працэсы ціскам на правы грамадзянаў у магчымасці публічнага выказвання ўласнай думкі. У суд, падтрымаць Анатоля Мышкевіча, прыйшлі сябры Аб’яднанай грамадзянскай партыі ды Партыі БНФ.

Апошнія навіны

Партнёрства

Сяброўства