Human Constanta запрашае на праваабарончы творчы лагер

Правы чалавека — гэта пра кожнага і кожную

Праваабарончая арганізацыя Human Constanta запрашае на Летні праваабарончы творчы лагер па тэме правоў чалавека і недыскрымінацыі – Human Camp 2018!

Пра што?

Human Camp – гэта пяцідзённы лагер на Берасцейшыне, дзе будзе навучанне правам чалавека і недыскрымінацыі метадамі нефармальнай адукацыі.

За час мерапрыемства вам прапануюць:

• - пазнаёміцца з праваабаронцамі са шматгадовым практычным досведам;
• - даведацца базавыя паняткі правоў чалавека;
• - разабрацца ў аспектах недыскрымінацыі;
• - прапампавацца ў тэме правоў замежных грамадзян і асоб без грамадзянства, а таксама ў тэме інфармацыйных свабод;
• - пакрэатывіць з творчымі людзьмі на тэму правоў чалавека;
• - навучыцца рабіць майстар-класы для бежанцаў і бежанак;
• - пазнаёміцца з аднадумцамі і патусіць на прыродзе.

Для каго?

Арганізатары шукаюць актыўную моладзь, якая цікавіцца правамі чалавека і гатовая будаваць недыскрымінацыйнае грамадства разам, дапамагаць бежанцам/кам. Перавага будзе аддавацца удзельнікам і ўдзельніцам з Брэсцкага рэгіёну.

Калі і дзе?

Human Camp адбудзецца на Берасцейшчыне, заезд 23га ліпеня пад вечар (панядзелак) і ад’езд да абеду 28га ліпеня (субота).

Ежа, жытло і праезд пакрываюцца арганізатарамі.

Як паўдзельнічаць?

Запоўніце анкету да 2 ліпеня ўключна. Таксама арганізатары просяць дадаць кароткую матывацыю (чаму хочаце прыняць удзел?) ў фармаце відэа, дадаць спасылку/файл ў анкету, альбо даслаць на мэйл info@humanconstanta.by

Тым, хто запоўніць анкеты, да 7 ліпеня паведамяць пра вынікі адбору.