viasna on patreon

Генсакратар Савета Еўропы і ЕС заклікалі Беларусь неадкладна ўвесці мараторый на смяротнае пакаранне

2017 2017-07-24T12:15:57+0300 2017-07-24T12:27:10+0300 be https://spring96.org/files/images/sources/thorbj_rn-jagland.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Генеральны сакратар Савета Еўропы Торб'ен Ягланд. Фота: Reuters

Генеральны сакратар Савета Еўропы Торб'ен Ягланд. Фота: Reuters

Генеральны сакратар Савета Еўропы Турб'ёрн Ягланд глыбока занепакоены вынясеннем двух новых смяротных прысудаў у Беларусі. Пра гэта гаворыцца ў яго заяве, распаўсюджанай прэс-службай Савета Еўропы, піша БелаПАН.

«Я ізноў выказваю нашае расчараванне і смутак з нагоды таго, што Беларусь працягвае ўжываць гэтую нечалавечую і несправядлівую меру, якая цалкам супярэчыць еўрапейскім каштоўнасцям, - сказаў Торб'ёрн Ягланд. - Пакаранне смерцю застаецца асноўнай перашкодай для далучэння Беларусі да Савета Еўропы. Я заклікаю ўлады Беларусі тэрмінова ўстанавіць мараторый на прымяненне вышэйшай меры пакарання ў якасці першага кроку да яе поўнай забароны».

Ягланд таксама заклікаў улады змякчыць ўжо вынесеныя смяротныя прысуды.

Мая Качыянчыч. Фота
Мая Качыянчыч. Фота: tiranatimes.com

Прэс-сакратар Еўрапейскай службы знешніх дзеянняў Мая Качыянчыч заявіла, што Еўрасаюз выступае катэгарычна супраць прымянення смяротнага пакарання. У заяве, размешчанай на сайце ЕСЗД, яна падкрэсліла, што прымяненне смяротнага пакарання ідзе насуперак заяўленай гатоўнасці Беларусі супрацоўнічаць з міжнароднай супольнасцю.

«Смяротнае пакаранне парушае права на жыццё і з'яўляецца самым жорсткім, бесчалавечным і прыніжаючым годнасць пакараннем, - сказала Качыянчыч. - Еўрасаюз працягвае падымаць гэтыя пытанні з беларускімі ўладамі на ўсіх узроўнях, у тым ліку на ўчорашнім дыялогу па правах чалавека ў Бруселі».

Магілёўскі абласны суд 21 ліпеня прысудзіў да смяротнага пакарання двух з чатырох фігурантаў справы «чорных рыэлтараў» - Ігара Гершанкова і Сямёна Беражнога. Яшчэ два фігуранты асуджаныя на доўгія тэрміны зняволення: Таццяна Гершанкова - на 24 гады пазбаўлення волі ў калоніі агульнага рэжыму з канфіскацыяй маёмасці; Барыс Калеснікаў - на 22 гады і адзін месяц калоніі строгага рэжыму з канфіскацыяй маёмасці.

Апошнія навіны

Партнёрства

Сяброўства