viasna on patreon

Лагацкай і Бордак – штраф 50 базавых на дваіх

2016 2016-04-20T09:30:44+0300 2016-04-20T09:32:00+0300 be https://spring96.org/files/images/sources/shabunia-1.jpg
Суддзя Цэнтральнага суду Менску Вікторыя Шабуня

Суддзя Цэнтральнага суду Менску Вікторыя Шабуня

Судзьдзя Цэнтральнага суду Менску Вікторыя Шабуня 19 красавіка аштрафавала на 30 базавых велічынь (6,3 мільёна рублёў) мінчанку Галіну Лагацкую. Суд прызнаў Лагацкую вінаватай ва ўдзеле ў несанкцыянаваным мітынгу прадпрымальнікаў, які адбыўся 22 лютага на Кастрычніцкай плошчы ў Менску.

Справа Лагацкай набыла рэзананс пасьля таго, як стала вядома, што на яе падаў заяву ў міліцыю сусед. Спадар Мілевіч прасіў прыцягнуць Лагацкую да адказнасьці за ўдзел у несанкцыянаваным мітынгу. Сусед убачыў фота Галіны Лагацкай з плякатам «Прадпрымальнікі сумленныя, а ўлада бандыцкая» ў інтэрнэце і палічыў сябе пакрыўджаным.

У Цэнтральным судзе Менску таксама разглядалася адміністрацыйная справа актывісткі БХД Натальлі Бордак зь Нясьвіжа. Яе пакаралі штрафам на 20 базавых велічынь (4,2 млн рублёў).

Актывістку абвінавацілі ва ўдзеле ў акцыі пратэсту супроць інтэграцыі з Расеяй, якая адбылася 2 красавіка каля расейскай амбасады ў Менску. Натальля Бордак на акцыі трымала ў руках плякат «Добры сусед той, які жыве праз плот». Натальлю Бордак судзіла Вікторыя Шабуня, якая перад гэтым пакарала штрафам Галіну Лагацкую.

Апошнія навіны

Партнёрства

Сяброўства