viasna on patreon

Полацкія праваабаронцы і юрысты аб’ядналіся ў таварыства для аказання бясплатнай дапамогі

2016 2016-02-18T17:24:52+0300 2016-02-18T17:25:19+0300 be https://spring96.org/files/images/sources/juryst.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Мясцовыя юрысты і праваабаронцы аб'ядналіся ў таварыства дзеля аказання бясплатнай дапамогі жыхарам горада. Яны гатовыя прымаць грамадзян раз на тыдзень, і абвесткі пра прыём кожную суботу ў другой палове дня ўжо распаўсюджваюцца па дошках аб’яваў.

“Ініцыятыва аб’яднацца з’явілася праз тое, што ў цяперашніх складаных эканамічных умовах палачане маюць патрэбу ў юрыдычнай і прававой дапамозе, але ў іх няма сродкаў на тое, каб атрымліваць яе ў дзяжаўных або камерцыйных структурах. З нашага боку, гэта поўная дабрачыннасць”, -- гаворыць адзін з удзельнікаў аб’ядннаньня Віктар Стукаў

Паводле ягоных словаў, аб’яднаньне юрыстаў і праваабаронцаў мае форму таварыства. У яго ўваходзяць 6 чалавек, але чакаецца, што ўдзельнікаў будзе болей. Старшыні суполка не мае – усе ўдзельнікі роўныя, і працаваць будуць на роўных умовах. Адно што з улікам спецыфікі пытанняў, з якімі будуць звяртаца палачане.

Юрысты і праваабаронцы гатовыя на добраахвотных пачатках дапамагаць землякам пісаць завы і скаргі,праводзіць кансультацыі па пытаннях працоўных зносінаў, у выпадку парушэнняў правоў спажыўцоў і гд. Першыя, хто звярнуўся па бясплатную юрыдычна-прававую дапамогу – гэта работнікі мясцовых прадрыемстваў, якіх звольнілі з парушэннямі, а таксама індывідуальныя прадпрымальнікі, якія хочуць бараніць свае правы, у тым ліку і ў форме правядзення вулічных масавых акцый.

Частка юрыстаў, гатовых кансультаваць землякоў бясплатна – ужо пенсіянеры, якія разумеюць цяжкі матэрыяльны стан тых, хто да іх звяртаецца. І яны рады, што такім чынам прыдасца іх прафесійны досвед. Сябры аб’яднання маюць юрыдычную адукацыю, а таксама падмацавалі свае веды на праграме Беларускага Дома правоў чалавека для юрыстаў.

Кансультацыі будуць праводзіцца па суботах, юрысты і праваабаронцы будуць сустракацца з землякамі па адрасе г. Полацк, вул.Успенская,3. Запісацца на кансультацыю можна па тэл. +375297129120 (Віктар Стукаў), або патэлефанаваць на іншыя нумары, указаныя ў вулічных абвестках.

Апошнія навіны

Партнёрства

Сяброўства