Праваабарончая праграма “Вясна” на Беларускім Радыё Рацыя
Кожны аўторак у 22:00 (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” - праграма "Вясна", якая асвятляе падзеі, датычныя правоў чалавека на Беларусі.
Анонс выпуска:
“Хроніка”: Палітвязень Юры Рубцоў абвясціў галадоўку; У папраўчай калоніі не спыняецца ціск на вязня Мікалая Дзядка; Камітэт па правах чалавека ААН прыняў да разгляду скаргу Іллі Дабратвора ды іншыя навіны.
"Падзея": Праваабронцы працягваюць маніторынг за выбарамі Прэзідэнта Рэспублікі Беларусь у межах кампаніі "Праваабаронцы за свабодныя выбары". У сваёй штотыднёвай справаздачы гэтым разам яны асобна закранулі пытанні, якія былі разгледжаны на першым пасля прызначэння выбараў Прэзідэнта пасяджэнні Цэнтральнай камісіі па выбарах і правядзенні рэспубліканскіх рэферэндумаў. Арганізатары кампаніі звярнулі асаблівую ўвагу на дыскрымінацыйны падыход ЦВК.
Госць рубрыкі "Асоба" - Юры Чаўсаў, юрыст Асамблеі дэмакратычных няўрадавых арганізацыяў Беларусі распавядае пра становішча ў галіне рэгістрацыі некамерцыйных арганізацый.
У музычных паўзах - кампазіцыі з новага альбома гурта Šuma .
