Білборд з выявай кандыдата палітвязня Статкевіча з’явіўся паблізу беларускай мяжы

На ім змешчана выява Мікалая Статкевіча за кратамі і надпіс «Свабоду!».

Гэту акцыю ажыццявілі сябры Грамадзянскай ініцыятывы «Свабоду Мікалаю Статкевічу і іншым палітвязням», у якую ўваходзяць сябры ініцыятыўнай групы Мікалая Статкевіча, родныя былых і сённяшніх палітвязняў, неабыякавыя людзі.
Акцыя прымеркавана да трэцяй гадавіны Плошчы.

Мікалай Статкевіч – адзін з кандыдатаў у прэзідэнты ў выбарах 2010 года, які быў арыштаваны пасля масавай акцыі супраць фальсіфікацыі. Тады былі арыштаваны каля 700 чалавек, у тым ліку кандыдаты ў прэзідэнты і сябры іх выбарчых штабаў. У траўні 2011 года Міколу Статкевіча асудзілі на 6 гадоў пазбаўлення волі.