Улады не даюць хрысціянскім дэмакратам легалізаваць сваю дзейнасць

Улады берасцейскай вобласці адмовіліся ўзгадняць назву асветніцкага грамадскага аб’яднання “Брэсцкія Хрысціянскія Дэмакраты”, пра гэта паведамляе сайт аргкамітэту БХД. Такім чынам, актывісты арганізацыі спрабавалі зарэгістравацца ўжо ў другі раз.

Каментуе старшыня БХД па Берасцейскай вобласці, Дзмітрый Шурхай:

- Дакументы былі пададзеныя на працягу месяца пасля ўстаноўчага сходу, які адбыўся ў Кобрыне, ўсё, як патрабуе заканадаўства, было ідэальна аформлена і пададзена ў тэрміны.

Гэта не першая адмова ў рэгістрацыі грамадска-палітычнай арганізацыі ў Рэспубліцы Беларусь. Падобныя спробы зарэгістравацца пад рознымі юрыдычнымі аб’яднаннямі рабіліся Маладым Фронтам, БХД і іншымі. Некаторыя з арганізацыяў, як напрыклад МФ, заявілі аб спыненні спробаў зарэгістравацца на тэрыторыі Беларусі.