viasna on patreon

Маці Эдуарда Лобава: Атрымала падарунак — пачула голас сына з калёніі

2014 2014-01-04T11:11:00+0300 2014-01-06T11:12:39+0300 be https://spring96.org/files/images/sources/lobau-2.jpg
Эдуард Лобаў. Фота: svaboda.org

Эдуард Лобаў. Фота: svaboda.org

Палітвязень Эдуард Лобаў на каталіцкія Каляды змог патэлефанаваць дамоў пасьля працяглага маўчаньня.

Маці Эдуарда Марына Лобава адзначае, што голас сына быў вельмі радасны і бадзёры.

«Атрымала такі добры падарунак на Раство — пачула голас сына з калёніі. Вось як нам мала трэба для шчасьця. Голас быў бадзёры, радасны. Гэта ягонае ўлюбёнае сьвята — Раство. Відаць, яму таксама было прыемна пачуць галасы родных».

Паводле Марына Лобавай, яе сын ў калёніі працягвае навучацца на электрыка і ўжо выконвае пэўныя працоўныя заданьні.

Нібыта за зьбіцьцё мінакоў за дзень да прэзыдэнцкіх выбараў актывіст «Маладога фронту» Эдуард Лобаў быў асуджаны на 4 гады зьняволеньня. Пакараньне Эдуард Лобаў адбывае ў калёніі ў Івацэвічах. Палітвязень сваёй віны гэтак і не прызнаў. У судзе Эдуард Лобаў казаў пра правакацыю спэцслужбаў.

Апошнія навіны

Партнёрства

Сяброўства