Ініцыятара грамадзянскай акцыі па збору подпісаў у абарону гісторыка-краязнаўчага музэя выклікаюць у Жлобінскі райвыканкам.

Па звестках прэс-службы Маладога Фронту, Кірыл Атаманчык зноў сустрэнецца зь кіраўніком аддзела культуры Жлобінскага раёна, а таксама зь намесьнікам старшыні Жлобінскага райвыканкама й прадстаўнікамі Гомельскага абласнога аддзела культуры. Справа датычыцца аднаўленьня працы мясцовага гісторыка-краязнаўчага музэя, які не працуе больш за год.