Адзіночны пікет у Магілёве: затрыманне і выклік у міліцыю

Актывіст  Аб’яднанай грамадзянскай партыі з Магілёва Мікалай Гладышаў, які 4 ліпеня ладзіў пікет у знак пратэсту супраць разьмяшчэння расійскай авіябазы ў Беларусі, быў затрыманы супрацоўнікамі мясцовага РАУСа. Праз пэўны час яго адпусцілі і папярэдзілі, каб ён прыйшоў у міліцыю 8 ліпеня для далейшага разьбіральніцтва. 

Як паведаміў "Вясне"  магілёўскі праваабаронца Барыс Бухель, на актывіста АГП быў складзены пратакол апытання.

Мікалай Гладышаў пікетаваў каля будынку  Магілёўскага гарвыканкама, трымаючы плакат «Не — расійскім авіябазам на зямлі Беларусі».

Такім чынам ён вырашыў выказаць сваю нязгоду з плянамі ўладаў размясціць у краіне расійскую авіябазу.