15 сакавіка ў Гародні супрацоўнікі КДБ дапыталі Сяргея Дубіцкага

15 сакавіка ўвечары супрацоўнікі КДБ дапыталі ў якасьці сьведкі ў справе незарэгістраванага “Маладога Фронту” студэнта філялягічнага факультэту Гарадзенскага унівэрсытэту Сяргея Дубіцкага, паведаміла Радыё Свабода.

Напярэдадні па гэтай жа справе была дапытаная ў якасьці сьведкаў група моладзі, у прыватнасьці, студэнткі Хрысьціна Марчук і Алена Рудзевіч, школьніцы Вольга Смалянчук, Яўгенія Шасьцерыкова, Вольга Галубец.

16 скавіка на допыт у міжраённы аддзел КДБ у Ваўкавыску выкліканы грамадзкі актывіст з Мастоў Алесь Зарэмбюк.