Салігорскія ўлады забаранілі правядзенне пікета 19 снежня
Салігорскі райвыканкам не даў дазволу на правядзенне пікета, прымеркаванага да падзеяў, якія адбываліся падчас выбараў 2010 году.
Абмежаванне права на свабоду мірных сходаў было абгрунтаванае чыноўнікамі адпаведным рашэннем Салігорскага выканкама ад 7 кастрычніка 2004 году “Аб мерах па папярэджанні надзвычайных здарэнняў і выкананні законнасці пры правядзенні масавых мерапрыемстваў”. Заяўнікам пікету, сябрам Аб’яднанай грамадзянскай партыі Віктару і Аляксандру Малочкам, у правядзенні пікета 19 снежня 2012 года ў праку “Маладосць” было адмоўлена “у сувязі з неадпаведнасцю месца правядзення пікета вышэйуказанаму рашэнню”.
Цікавым падаецца той факт, што падчас апошніх выбараў у Палату прадстаўнікоў менавіта парк "Маладосць" нечакана быў вызначаны ўладамі як месца для правядзення перадвыбарчых масавых мерапрыемстваў. Цяпер жа чыноўнікі зноў вырашылі, што дадзены парк перашкаджае рэалізацыі “мераў па папярэджанні надзвычаных здарэнняў”.
