Андрэю Ткачову ў РАУСе вярнулі сканфіскаваную маёмасьць

Асуджаны да 7 сутак арышту мадэратар сацыяльных сетак Андрэй Ткачоў сёньня звярнуўся ў Фрунзенскі РАУС Менску, каб вярнуць сканфіскаваную пад час ператрусу маёмасьць. Нагадем, што Андрэя Ткачова 30 жніўня пасьля допыту і пагроз, абвінавацілі ў дробным хуліганстве і асудзілі.

У РАУСе Ткачову вярнулі ноўтбукі ў непрацоўным стане, і толькі пасьля тэхнічнага ўмяшальніцтва міліцэйскага эксперта, тэхніка запрацавала.

Сам ператрус на кватэры знаёмай Ткачова быў праведзены з парушэньнем усіх магчымых працэсуальных працэдур, прадугледжаных заканадаўствам: не быў складзены вопіс канфіскаваных рэчаў, адсутнічалі панятыя, не было дазволу на правядзеньне ператрусу.