Пошук валанцёраў для помачы дзецям-сіротам

9 чэрвеня адбудзецца сустрэча для тых, хто хацеў бы зрабіць гэты свет лепшым, гатовы падзяліцца сваім часам, ведамі, талентамі і здольнасцямі з дзецьмі.

«Мы чакаем валанцёраў рознага веку і роду заняткаў — ад старэйшых школьнікаў і студэнтаў да кіраўнікоў прадпрыемстваў, гатовых падзяліцца сваім досведам», — кажа Дзяніс, каардынатар супольнасці валанцёраў «Дабро рабі». Тыя, хто прыйдзе, даведаюцца аб мерапрыемствах якія правяла супольнасць валанцёраў за час свайго існавання, пра сабраныя грошы і тое, куды яны

былі выдаткаваныя, пагавораць аб праблемах дзіцячых сацыяльных прытулкаў, школаў-інтэрнатаў, і дзіцячых дамоў. На ўсе пытанні пачаткоўцаў адкажуць дасведчаныя валанцёры супольнасці «Дабро рабі».

Даведкі па т.: (44) 783 59 95.

Падрабязнасці на сайце: sirota.by.