Статкевіча – старэйшага павіншавалі з Днём Перамогі
Баранавіцкія праваабаронцы і грамадскія актывісты 9 мая павіншавалі Статкевіча Віктара Паўлавіча з Днем Перамогі і пажадалі яму моцнага здароўя і найхутчэйшай сустрэчы з Мікалаем Статкевічам, які цяпер знаходзіцца ў Магілёўскай турме № 4. Пагаварылі пра магчымую амністыю 3 ліпеня і вызваленне палітвязняў, пра сацыяльна-эканамічнае і палітычнае становішча ў дзяржаве.
– Віктар Паўлавіч сапраўдны ветэран, якога мы ўсе вельмі паважаем за мужнасць, -- паведаміў старшыня гарадской суполкі “Руха “За свабоду” Віктар Сырыца. -- У гады вайны ён дапамагаў партызанам знішчаць нямецкія камунікацыі. Ад смерці яго ўратаваў родны бацька, закрыўшы сваім целам ад нямецкай кулі. Таму мы стараемся заўсёды павіншаваць Віктара Паўлавіча Статкевіча са святамі і маральна падтрымаць у цяперашні нялёгкі для яго час,- патлумачыў Віктар Сырыца.
