Анатоля Аскерку будуць судзіць за акцыю ў падтрымку Саннікава
Судовая зала.
На затрыманага сёння з раніцы актывіста Партыі БНФ з Барысава Анатоля Аскерку склалі пратакол аб адміністратыўным правапарушэнні за ўдзел у акцыі, прымеркаванай да дня нараджэння палітвязня Андрэя Саннікава.
У 14:00 час затрымання Анатоля Аскеркі скончыўся. Па мабільнай сувязі ён паспеў паведаміць праваабаронцы Марыне Статкевіч, што яго арыштоўваюць.
Як атрымалася высветліць, актывіст знаходзіцца ў Ізалятары часовага ўтрымання Барысаўскага РАУС. Пра гэта распавёў капітан міліцыі Невяроўскі. У ІЧУ паведамілі, што суд над Анатолем Аскеркам адбудзецца заўтра, 10 сакавіка.
Жонка дэмактывіста распавяла, што ў аўторак, 13 сакавіка Анатоль павінен быў ехаць у санаторый на лячэнне пазваночніка. Калі яго пасадзяць «на суткі», адправіцца на лячэнне яму не ўдасца.
