Перад Днём правоў чалавека – у госці да Паўла Севярынца
Cудовы працэс па крымінальнай справе П.Севярынца, С.Марцалева, І.Халіп
Перад Міжнародным днём правоў чалавека група рэгіянальных палітыкаў з Бярозы і Кобрына наведала палітзняволенага Паўла Севярынца. Прыехаўшыя сустрэліся з Паўлам у альтанцы і правялі з ім разам больш гадзіны. Падчас размовы, па словах гасцей палітвязня, нярэдка гучаў смех, бо аказалася, што Павел – добры расказчык анекдотаў. Як заўсёды, ён частаваў прыехаўшых гарбатай, а госці да гарбаты прывезлі пачастункі.
Павел Севярынец выказа вялікую ўдзячнасць не толькі тым, хто прыехаў менавіта ў гэты дзень, а наогул усім беларускім людзям, якія не забываюцца і наведваюць яго. Па ягоных словах, гэта добры прыклад падтрымкі і салідарнасці, які бачаць 100 насельнікаў спецкамендатуры і міліцыянты. І што таксама немалаважна ва ўмовах абмежавання волі – прадуктаў госці прывозяць столькі, каб Павел мог падзяліцца і з іншымі.
Асуджаны на 3 гады “хіміі” Павел Севярынец адбывае пакаранне ў спецкамендатуры вёскі Куплін Пружанскага раёну.
