5 ліпеня калегія Магілёўскага абласнога суду не задаволіла скаргу актывіста Сяргея Нягаціна

Старшыня магілёўскай філіі незарэгістраванай арганізацыі "Малады фронт" Сяргей Нягацін прасіў адмяніць рашэньне адміністратыўнай камісіі Ленінскага раёну Магілёва і адпаведнае рашэньне раённага суду.
Сёлета ў красавіку Нягаціна аштрафавалі за распаўсюд незарэгістраванай друкаванай прадукцыі  перадвыбарчых улётак Аляксандра Мілінкевіча і налепак "Яны хлусяць" з партрэтамі прадстаўнікоў дзяржаўнага тэлебачаньня.

5 ліпеня адмовілі ў скарзе і старшыню Касьцюковіцкай раённай філіі Партыі БНФ Мікалаю Малахаву. У сакавіку ён атрымаў штраф за расклейваньне ўлётак у падтрымку Аляксандра Мілінкевіча на дошках для рэклямы і абяваў. Калегія абласнога суду пакінула ў сіле рашэньне камісіі і вырак раённага суду, паведаміла Радыё Свабода.