У Барысаве страйкуюць камунальнікі
Работнікі двух падраздзяленняў барысаўскага камунальнага прадпрыемства «Жыллё» з панядзелка абвясцілі страйк. Пачаць працаваць абяцаюць толькі пасля павышэння зарабатнай платы.
Работнікі спецаўтагаспадаркі, якія займаюцца вывазам смецця, і «Зелянбуда», які забяспечвае добраўпарадкаванне вуліц, у панядзелак з'явіліся на свае працоўныя месцы і адмовіліся працаваць. У гэтых арганізацыях зарабатная плата ў некаторых работнікаў не перавышае сямісот тысяч. Таму патрабаванні цалкам лагічныя.
Да страйкоўцаў выязджаў дырэктар барысаўскага УП "Жыллё" Мікалай Шархун. Аднак, па словах работнікаў, перамоў не атрымалася, а чаканага абяцання павысіць зарплату не прагучала зусім.
На працягу ўсяго працоўнага дня хто страйкуе, не пакідалі базы прадпрыемстваў, аднак ні адзін з іх да працы так і не прыступіў. У аўторак пратэстоўцы маюць намер працягнуць страйк, з’явіўшыся на працу без спазненняў. Тым часам у дварах шматпавярховак растуць горы смецця.
