“Вясна” перадала тры ноўтбукі інвалідам-калясачнікам

Праваабарончы цэнтр “Вясна” перадаў тры ноўтбукі Мінскай арганізацыі “Рэспубліканскай асацыяцыі інвалідаў-калясачнікаў” (РАІК). Гэтыя ноўтбукі былі канфіскаваныя праваахоўнымі органамі падчас ператрусу на офісе арганізацыі 19 снежня 2010 года і вернутыя 8 верасня 2011 года.

Прадстаўнікі РАІК перададуць ноўтбукі ў сем’і інвалідаў-калясачнікаў для прыватнага выкарыстання. Сярод будучых атрымальнікаў – сямейная пара калясачнікаў, а таксама сем’і інвалідаў з дзецьмі.

Прадстаўнікі арганізацыі інвалідаў-калясачнікаў выказалі падзяку за перададзеныя кампутары.