FIDH адкрыла адмысловы сайт пра Алеся Бяляцкага
Міжнародная Федэрацыя за правы чалавека (FIDH)
Міжнародная Федэрацыя правоў чалавека (FIDH) адкрыла адмысловы сайт для каардынацыі намаганняў па вызваленні віцэ-прэзідэнта гэтай арганізацыі, старшыні ПЦ “Вясна” Алеся Бяляцкага. Сайт зроблены на 3 мовах: англійскай, рускай і французскай.
На сайце “Свабоду Алесю Бяляцкаму” плануецца рэгулярна абнаўляць навіны пра арыштаванага старшыню ПЦ “Вясна”, размяшчаць афіцыйныя заявы і дэкларацыі міжнародных арганізацый у сувязі з яго справай. Таксама на сайце можна будзе знайсці інфармацыю аб акцыях падтрымкі і салідарнасці, публікацыі па сітуацыі ў Беларусі.
Апроч гэтага, на сайце змешчаныя шматлікія відэа- і фотаматэрыялы, якія адлюстроўваюць праваабарончую дзейнасьць Алеся Бяляцкага за апошнія некалькі год.
