viasna on patreon

Баранавічы: праваабаронцы і грамадскія актывісты накіравалі віншаванні Алесю Бяляцкаму

2011 2011-09-23T12:47:15+0300 1970-01-01T03:00:00+0300 be https://spring96.org/files/images/sources/gousha-5.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

23 верасня 2011 года баранавіцкія праваабаронцы і грамадскія актывісты накіравалі віншаванні кіраўніку Праваабарончага цэнтру “Вясна” Алесю Бяляцкаму з днём народзінаў. Яны накіравалі імяніньніку віншавальныя тэлеграмы, пісьмы і каляровыя паштоўкі на адрас: 220030, г. Менск, вул. Валадарскага, 2, СІЗА – 1. Прадстаўнікі грамадскасці пажадалі Алесю Бяляцкаму моцнага здароўя, мужнасці, хутчэйшай свабоды і каб як мага менш было ў яго перашкодаў для стваральнай і неабходнай на карысць людзей працы.

Мясцовы паэт Аляксей Валатовіч напісаў верш Алесю Бяляцкаму пад якім падпісаліся 38 чалавек.

Алесю Бяляцкаму ў дзень нараджэння

Дзянькі карацей і даўжэйшыя цені.

І гэтай асенняй парою

Алесь, мы віншуем цябе з нараджэннем,

Здароўя, удачы, настрою!

Чырвоныя клёны за вокнамі стынуць,

І птушкі прыціхлі ў бары.

Ты ж знай, што ніколі цябе не пакінуць

Радня, аднадумцы, сябры.

Ты вер, што абудзяцца людзі ад сну,

І будзем мы разам з Сусветам.

І ўжо ў кастрычніку стрэнем Вясну,

А потым надыдзе і лета.

Народ будзе шчыра скакаць пры агні,

І шчасцем засвецяцца вочы.

І вернуцца ў край гэты белыя дні,

І вернуцца белыя ночы!

Апошнія навіны

Партнёрства

Сяброўства