viasna on patreon

Amnesty International: Беларусь павінна вызваліць Алеся Бяляцкага

2011 2011-09-14T14:38:05+0300 1970-01-01T03:00:00+0300 be https://spring96.org/files/images/sources/amnesty-international.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Уплывовая міжнародная праваабарончая арганізацыя распаўсюдзіла заяву з патрабаваннем да беларускіх уладаў вызваліць вядомага праваабаронцу, дасудовае зняволенне якога лічыцца палітычна матываваным.

Эксперты Amnesty International нагадваюць, што сітуацыя, у якой апынуўся старшыня Праваабарончага Цэнтра “Вясна” Алесь Бяляцкі, вынікае з агульнай грамадска-палітычнай сітуацыі ў краіне, створанай уладамі за апошняе 10-годдзе. У заяве канстатуецца, што “будучы ліквідаванай уладамі ў 2003 годзе, “Вясна” не магла адкрыць банкаўскі рахунак ад свайго імя ў Беларусі”.

“Адмаўляючыся зарэгістраваць легітымную НДА, і такім чынам робячы немагчымым іх адкрытую дзейнасць, кіраўніцтва Беларусі не пакідае такім дзеячам як Алесь Бяляцкі ніякага выбару, акрамя выкарыстання банкаўскіх рахункаў у суседніх краінах дзеля фінансавання іхняй працы”, - заяўляе Amnesty International.

“Беларусь мае права караць за ўхіленне ад падаткаў як за злачынства. Але абвінавачванні супраць Алеся Бяляцкага палітычна матываваныя. Ён вязень сумлення, затрыманы за вядзенне праваабарончай працы, і павінен быць неадкладна вызвалены”, - адзначае Хэза МакГіл, даследчык Amnesty International па Беларусі.

У заключэнне адзначаецца, што “арышт Алеся Бяляцкага з'яўляецца часткай працяглага доўгатэрміновага пераследу грамадскіх актывістаў і праваабаронцаў, і сітуацыя пагоршылася з наступам на грамадзянскую супольнасць пасля прэзідэнцкіх выбараў у снежні 2010 года”.

Апошнія навіны

Партнёрства

Сяброўства