КДБ хоча “пагаварыць” з магілёўскімі актывістамі
https://spring96.org/be/news/45434
2011
2011-08-31T17:32:19+0300
2011-08-31T17:32:19+0300
1970-01-01T03:00:00+0300
be
Вядома прынамсі пра два такія запрашэнні на размову. Па тэлефоне іх атрымалі актыўны карыстальнік сацыяльных сетак Антон Іваноў і актывіст кампаніі “Еўрапейская Беларусь” Томас Якавіцкі.
У абодвух выпадках людзі, якія званілі па тэлефоне, не прадстаўляліся, аднак настойліва прасілі прыйсці на размову ў мясцовае ўпраўленне КДБ. Тэма размовы таксама не называлася.
Афіцыйных позваў хлопцы не атрымлівалі, таму і праігнаравалі запрашэнні.
Нагадаем, што на 14 верасня ініцыятары "маўклівых рэвалюцый" прызначылі чарговую акцыю. Магчыма, інтарэс КДБ звязаны менавіта з гэтай датай.
