Пікет у Сьвіслачы ў падтрымку Алеся Бяляцкага таксама не дазволены

Заяўка на пікет у падтрымку зняволенага Алеся Бяляцкага ў раённым цэнтры Сьвіслач, якую падавалі ведамыя мясцовыя грамадска-палітычныя актывісты Віктар Дзесяцік і Юры Глебік, таксама не задаволеная мясцовымі ўладамі, паведамляе "Гарадзенская вясна".

Заяўка падавалася на 27 жніўня. Сваю адмову Сьвіслацкі райвыканкам за подпісам старшыні Алега Таргонскага тлумачыць тым, што заяўленае месца - плошча Карла Маркса насупраць помніка Кастусю Каліноўскаму знаходзіцца на адлегласці менш 200 метраў ад пешаходнага пераходу і аўтамабільнай дарогі.

Разам з тым, добра ведама, што на даным пляцы праводзяцца розныя праўладныя мерапрыемствы, прыкладам акцыі БРСМ, на якія ўвогуле ніхто не падае заявак.