Абвяшчаецца конкурс на ўдзел у Першым Міжнародным адукацыйным Курсе па абароне правоў чалавека для моладзі

2011 2011-08-22T15:51:19+0300 1970-01-01T03:00:00+0300 be https://spring96.org/files/images/sources/skolaloga.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Беларуская праваабарончая школа, арганізаваная міжнароднай супольнасцю праваабарончых арганізацый, абвяшчае конкурс на ўдзел у  Першым Міжнародным адукацыйным Курсе па абароне правоў чалавека.

Міжнародны адукацыйны Курс арганізоўваецца і каардынуецца шэрагам праваабарончых арганізацый, такіх як Украінскі Хельсінкскі саюз, грамадская арганізацыя “М’АРТ” (Украіна), Праваабарончы цэнтр “Поступ” (Україна), Камітэт “Гражданское содействие”(Расія), ад Беларусі каардынацыю і арганізацыю ўдзелу забяспечвае Праваабарончы цэнтр “Вясна”.

Міжнародны адукацыйны курс па абароне правоў чалавека будзе складацца з двух сямідзённых трэнінгаў  і дыстанцыйнага курса. Падчас навучання ўдзельнікі паглыбяць свае веды аб стандартах правоў чалавека і навучацца:

ü  Аналізаваць сітуацыю з выкананнем правоў чалавека і індэнтыфікаваць выпадкі парушэнняў правоў чалавека;

ü  Распаўсюжаваць інфармацыю аб парушэннях правоў чалавека і эфектыўна выкарыстоўваць нацыянальныя і міжнародныя механізмы абароны;

ü  Планаваць і рэалізоўваць трансмежавыя кампаніі ў абарону правоў чалавека;

ü  Арганізоўваць асветніцкія кампаніі і адукацыйныя мерапрыемствы ў падрымку і абарону правоў чалавека.

Мэтавая група:

Да ўдзелу ў праграме запрашаюцца маладыя людзі з Беларусі, зацікаўленыя ў паглыбленні ведаў у галіне правоў чалавека, якія з’яўляюцца выпускнікамі Летніх школ па правах чалавека для моладзі і адукатараў, а таксама іншых адукацыйных мерапрыемстваў, праведзеных у межах праграмы “Беларуская праваабарончая школа” .

Узрост: ад 18 да 27 гадоў.

Прэтэндэнты на ўдзел у Міжнародным Курсе па абароне правоў чалавека павінны адпавядаць наступным крэтэрам:

ü  Актыўна ўдзельнічаць ў галіне падтрымкі і абароны правоў чалавека;

ü  Супрацоўнічаць з недзяржаўнымі арганізацыямі;

ü  Мець пачатковую падрыхтоўку па правах чалавека, атрыманую ў межах навучання на  адукацыйных трэнінгах праграмы “Беларуская праваабарончая школа”;

ü  Быць гатовымі працаваць у камандзе з іншымі ўдзельнікамі Курса;

ü  Абавязкова ўдзельнічаць ва ўсіх мерапрыемствах на працягу двух сесій Курса і выконваць заданні дыстанцыйнай сесіі;

ü  Быць гатовымі актыўна ўдзельнічаць у планаванні і правядзенні трансмежавых кампаній  у абарону правоў чалавека.

 Арганізатары пакідаюць за сабой права выключыць удзельніка ў выпадку невыканання ўмоваў удзелу ў Курсе.

Ад Беларусі група будзе сфармавана з  васьмі  ўдзельнікаў на конкурснай аснове, які правядзе спецыяльная кваліфікацыйная камісія. Пра вынікі конкурсу на працягу пяці  дзён пасля завяршэння адбору будуць апавешчаныя ўсе прэтэндэнты.

 Месца правядзення:

Першая сесія адбудзецца з 11 па 17 верасня 2011 года на беразе Чорнага мора ў Бахчысарайскім раёне АР Крым (Украіна).

Другая сесія адбудзецца ў снежні 2011 года ў Беларускім Доме правоў чалавека ў Вільні, Літва.

Працоўная мова: руская.

Арганізатары забяспечваюць харчаванне і пражыванне ўдзельнікаў Міжнароднага курса, выдаткі, звязаныя з атрыманнем візы, выдаткі на праезд да месца правядзення сесій і назад (пры наяўнасці праяздных дакументаў у межах кошту праезду рэйсавым аўтобусам альбо плацкартным вагонам цягніка).

Падача заявак на ўдзел:

Для ўдзелу ў Курсе прэтэндэнт павінен запоўніць рэгістрацыйную форму moladz-kurs (унізе) і даслаць не пазней за 1 верасня 2011 (заяўкі, дасланыя пазней за ўказаную дату, разглядацца не будуць) на адрас: belschool@gmail.com.

У выпадку, калі Вы маеце дадатковыя пытанні, звяртайцеся на адрас: belschool@gmail.com

Файлы

Апошнія навіны

Партнёрства

Сяброўства