МЗС Чэхіі распаўсюдзіла завяву адносна арышту Алеся Бяляцкага

5 жніўня Міністэрства замежных справаў Чэшскай Рэспублікі распаўсюдзіла заяву адосна арышту старшыні ПЦ “Вясна” Алеся Бяляцкага.

МЗС Чэхіі “выказвае глыбокую занепакоенасць з прычыны арышту старшыні Праваабарончага цэнтра “Вясна” і віцэ-прэзідэнта Міжнароднай федэрацыі правоў чалавека Алеся Бяляцкага”.

“Гэтае рашэнне асабліва засмучвае з улікам апошніх крокаў беларускага ўраду па абмежаванні свабоды мірных сходаў і няспынным пераследзе грамадскіх актывістаў. У сувязі з гэтым, Чэшская Рэспубліка патрабуе неадкладнага і безумоўнага вызвалення сп. Бяляцкага, а таксама заклікае беларускія ўлады спыніць усе віды рэпрэсіяў супраць яго, ягонай арганізацыі і праваабаронцаў у цэлым” – паведамляецца ў заяве.