Дакладчык ПАСЕ заклікае гарантаваць недатыкальнасць Алесю Бяляцкаму

2011 2011-08-09T18:10:01+0300 1970-01-01T03:00:00+0300 be https://spring96.org/files/images/sources/andres-herkel.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Дакладчык Парламенцкай асамблеі Савета Еўропы (ПАСЕ) па Беларусі Андрэс Херкель

Дакладчык Парламенцкай асамблеі Савета Еўропы (ПАСЕ) па Беларусі Андрэс Херкель

Дакладчык Парламенцкай асамблеі Савета Еўропы (ПАСЕ) па Беларусі Андрэс Херкель заклікаў беларускія ўлады гарантаваць фізічную і псіхалагічную недатыкальнасць кіраўніку закрытага ўладамі праваабарончага цэнтра "Вясна", віцэ-прэзідэнту Міжнароднай федэрацыі правоў чалавека Алесю Бяляцкаму і спыніць усе формы прыгнёту праваабаронцаў.

"Арышт спадара Бяляцкага — яшчэ адзін выпадак у мазаіцы пераследу і запалохвання грамадзянскай супольнасці. Надышоў час, каб злоўжыванне крымінальным правам у Беларусі было спыненае", — цытуе апублікаваную на сайце ПАСЕ заяву Херкеля БелаПАН.

Херкель адзначыў, што з 1996 года "Вясна" аказала юрыдычную дапамогу тысячам беларусаў, якія былі аштрафаваныя ці змешчаныя ў турму за крытыку аўтарытарнай палітыкі Аляксандра Лукашэнкі. Паводле яго слоў, "Вясна" таксама актыўна паведамляла пра паліцэйскія рэпрэсіі падчас мірных дэманстрацый, якія адбыліся за прэзідэнцкімі выбарамі.

Паводле слоў дакладчыка, з красавіка 2011 года Бяляцкі быў "аб'ектам паклёпніцкай кампаніі, падчас якой яго выстаўлялі ворагам народа нумар адзін у Беларусі".

Нагадаем, 4 жніўня ў Мінску супрацоўнікамі дэпартамента фінансавых расследаванняў Камітэта дзяржкантролю быў затрыманы віцэ-прэзідэнт Міжнароднай федэрацыі правоў чалавека, кіраўнік закрытага беларускімі ўладамі праваабарончага цэнтра "Вясна" Алесь Бяляцкі. Ён падазраецца ва ўхіленні ад выплаты падаткаў, збораў у асабліва буйным памеры. Праваабаронцу пагражае пазбаўленне волі тэрмінам на сем гадоў з канфіскацыяй маёмасці. Бяляцкі ўтрымоўваецца ў СІЗА № 1 МУС па вуліцы Валадарскага.

Апошнія навіны

Партнёрства

Сяброўства