Беларусь павінна адмовіцца ад драконаўскіх законапраектаў, якія забараняюць “маўклівыя пратэсты”

2011 2011-08-03T13:50:27+0300 1970-01-01T03:00:00+0300 be https://spring96.org/files/images/sources/amnesty-big.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Amnesty International

Amnesty International

Ініцыятыва беларускага ўрада пра забарону практычна любых пратэстаў - яшчэ адзін удар па праву народа Беларусі на свабоду слова і свабоду сходаў, заявіла Amnesty International.

Пасля серыі “маўклівых пратэстаў” улады апублікавалі ў мінулую пятніцу праект паправак да законаў, згодна з якімі ўдзельнікі любых сходаў з мэтай здзяйснення “дзеянняў ці бяздзеяння [...] для публічнага выказвання сваiх грамадска-палітычных настрояў або пратэсту павінны будуць атрымліваць дазвол уладаў.

Асобы, прызнаныя вінаватымі ў правядзенні пратэстаў у форме “бяздзеяння”, будуць карацца 15 суткамі адміністратыўнага арышту або штрафам.

“Мы заклікаем беларускіх парламентарыяў адмовіцца ад гэтых драконаўскіх паправак да закона, якія парушаюць міжнародныя стандарты ў галіне свабоды слова і сходаў”, - сказаў Джон Дальхузэн, намеснік дырэктара праграмы Amnesty International па Еўропе і Цэнтральнай Азіі.

Па паведамленнях праваабарончага цэнтра "Вясна", улады затрымалі больш за 2000 чалавек, якія ўдзельнічалі ў “акцыях маўклівага пратэсту”. Каля 80% затрыманых пасля асудзілі да адміністратыўнага арышту на тэрмін ад пяці да 15 сутак або штрафаў.

Удзельнікі “акцый маўклівага пратэсту” з чэрвеня збіраюцца вялікімі і малымі групамі па ўсёй Беларусі, каб выказаць нязгоду з палітыкай урада. У некаторых выпадках яны пляскалі ў далоні або моўчкі хадзілі. Удзельнікі адной з акцый устанаваілі будзільнікі сваіх мабільных тэлефонаў на адзін і той жа час.

Прапанаваныя змены да закона аб масавых мерапрыемствах увядуць новыя абмежаванні і ў дачыненні да месцаў, дзе можна праводзіць дэманстрацыі.

Нават без паправак да законаў, якія рэгулююць правядзенне акцый пратэсту, правесці ў цэнтры Мінска грамадскі сход амаль немагчыма.

Улады ідуць на ўсё больш жорсткія меры ў дачыненні да дэманстрантаў. Супрацоўнікі КДБ у цывільным затрымліваюць удзельнікаў “маўклівых пратэстаў”, не прад'яўляючы дакументаў. Мірных дэманстрантаў збіваюць.

У некаторых выпадках супрацоўнікі праваахоўных органаў ужывалі для разгону “акцый маўклівага пратэсту” слёзатачывы газ, а ўрад блакаваў сацыяльныя інтэрнэт-рэсурсы, каб перашкодзіць арганізатарам акцый.  

“Гэтыя папраўкі сведчаць пра параною ў самым сэрцы рэжыму Лукашэнкі. Над імі можна было б пасмяяцца, калі б за імі не стаялі такія злавесныя намеры, - сказаў Джон Дальхузэн. - Неабходна адмовіцца ад гэтых паправак і ў поўнай меры выконваць права на мірны пратэст - у любой яго форме”.

Апошнія навіны

Партнёрства

Сяброўства