Гомель: Раённая камісія не рэагуе на скаргі пра нябожчыкаў у спісах

Гамяльчанін Уладзімір Чыркоў заўважыў у спісах выбаршчыкаў на ўчастку ў гімназіі №51 (Савецкі раён Гомеля) некалькі нябожчыкаў і людзей, які жывуць у іншых гарадах, нават на Украіне.

«Я паскардзіўся ў раённую камісію, і адтуль на ўчастак прыехаў старшыня камісіі Мікалай Малы. Замест таго, каб разабрацца, ён пачаў крычаць на мяне — маўляў, ты з якой партыі, чаго ты перашкаджаеш працаваць камісіі, спісы — гэта не твая справа! Як жа не мая справа, калі ў спісах — нябожчыкі, на іх жа выдаваліся бюлетэні, вось як і фальсіфікуюць выбары», - пракаментаваў Чыркоў.

“Праваабаронцы за свабодныя выбары”