Магілёў. На выбарчым участку №15 400 чалавек вырашылі прагаласаваць на даму

У Магілёве на выбарчым участку №15 з 2407 выбаршчыкаў на даму вырашылі прагаласаваць 400 чалавек.

Пра гэта паведамляе назіральнік Алена Качурка.

“Тры члены камісіі ўзялі па адной вурне для галасавання на даму кожны і разбегліся па тэрыторыі выбарчага ўчастка. Мяне з сабой ніхто не ўзяў, хоць я і настойвала на гэтым”, - гаворыць Алена Качурка.

Алена адзначае, што яшчэ ўчора галасаваць на даму збіралася 230 чалавек, а сёння старшыня камісіі паведаміла ёй, што гэтая лічба ўзрасла да 400 чалавек.

Акрамя гэтага, стала вядома, што на гэтым участку датэрмінова прагаласавала 267 чалавек.

“Праваабронцы за свабодныя выбары”