Старшыні аршанскіх ўчастковых камісій пагражаюць назіральнікам судом

Старшыня ўчастковай выбарчай камісіі № 14 у горадзе Орша Васіль Садковіч прыгразіў назіральнікам ад партыі «Справядлівы свет» Святлане Малчанавай і БХК Людміле Герасіменка, што ў выпадку, калі яны складуць акт аб парушэнні выбарчага заканадаўства на ўчастку, ён падасць на іх у суд за паклёп.

Сакратар гэтай камісіі яшчэ ў пятніцу забрала з сабой спіс галасуючых на хаце, пасля чаго назіральнікі гэтага спісу на ўчастку ўжо не бачылі. Пра гэта яны сабраліся напісаць заяву старшыні.

Аналагічная сітуацыя на ўчастку № 20 у Оршы. Старшыня камісіі незразумела дзе знайшла ўзоры складання актаў аб парушэнні заканадаўства аб выбарах і таксама пагражала падаць у суд на назіральнікаў у выпадку, калі яны накіруюць скаргу на парушэнне Выбарчага кодэкса.

 "Праваабаронцы за свабодныя выбары"