Мінск: на 104 выбарчым участку за некаторых выбаршчыкаў прагаласавалі датэрмінова
Як паведаміў Клімаў У.К., выбаршчык з участка № 104 Маскоўскага раёну сталіцы (размешчанага ў школе № 206 па вул. Рафіева, 82), за ягоную дачку нехта ўжо прагаласаваў датэрмінова 17 снежня, што было адзначана ў спісе выбаршчыкаў.
Жанчына хацела прагаласаваць менавіта ў асноўны дзень выбараў, і яна гэта змагла зрабіць, аднак пасля ўключэння ў дадатковы спіс выбаршчыкаў па рашэнні старшыні ўчастковай камісіі. Пры гэтым, з асноўнага спісу прозвішча дачкі Клімава было выкрэслена. Але за каго і кім быў аддадзены яе голас падчас папярэдняга галасавання, можна толькі здагадвацца.
Акрамя таго, пра аналагічны выпадак выбаршчыку Клімаву паведамілі два ягоных суседа па дому. Іх таксама ўключылі ў дадатковы спіс, бо ў асноўным за іх нехта прагаласаваў датэрмінова.
"Праваабаронцы за свабодныя выбары"
