Выбары ў Гомелі: Мёртвыя душы ў спісах, канцэрты і дэгустацыі

На ўчастку №60 Савецкага раёна Гомеля, размешчаным ў гімназіі №51, выбаршчыкі выявілі ў спісах «мертвыя душы», то бок у спісы былі ўключаны нябожчыкі. Таксама, як паведаміў правабааронцам жыхар Гомеля Ўладзімір Чуйкоў, у спісах ёсць і тыя, хто прапісаны, але даўно не жыве па месцу прапіскі, і тыя, хто на дадзены момант знаходзіцца ў ЛПП.

А тым часам на участках ідзе масавае гулянне — праходзяць дэманстрацыі фільмаў, выступаюць дзеці, сваю прадукцыю прапаноўвае сеткавы макертынг - «Мэры Кей» і «Арыфлэйм». На ўчастках у Чыгуначынм раёне праходзяць дэгустацыі, і выбаршчыкі маюць цудоўную магчымасць пачаставацца задарма цукеркамі, сокамі, чыпсамі.

Дарэчы, створаныя «гульнявыя пакоі» для дзяцей попытам не карыстаюцца, як і кансультацыі спецыялістаў камунальных службаў і юрыстаў.

“Праваабаронцы за свабодныя выбары”