Слонім: Міліцыянер на ўчастку патрабаваў спісы прагаласаваўшых

У г.Слоніме на Брэсцкім выбарчым участку № 10 вечарам у суботу, 18 снежня, дзяжурны міліцыянер патрабаваў у сябраў выбарчай камісіі спісы тых выбаршчыкаў, якія прагаласавалі цягам дзён датэрміновага галасавання. Пра гэта паведамляюць незалежныя назіральнікі.  

Сябры камісіі моўчкі такую паслугу аказалі. Яны скінулі спісы выбаршчыкаў на флэшку, якую ім даў міліцыянер. Для чаго гэта было зроблена - ніхто ў міліцыянера не запытаўся ды і ён нікому нічога не тлумачыў.  

“Праваабаронцы за свабодныя выбары”