Маладэчна: На ўчастках – узоры ўсё з тымі ж “птушачакамі”

Маладэчанскія назіральнікі на працягу датэрміновага галасавання рабілі заўвагі ўчастковым камісіям наконт размяшчэння на ўчастках узору для галасавання, дзе “птушка” стаіць насупраць другога прозвішча (у сапраўдным бюлетэні другім указана прозвішча А. Лукашэнкі). Учора праваабаронца Эдуард Баланчук падаў скаргу ў пракуратуру з просьбай абавязаць старшыню раённай камісіі Уладзіміра Кушнярэвіча ў тэрміновым парадку прыбраць з участкаў падобныя ўзоры “за падказкай”. Сёння назіральнікі паведамляюць, што ўсё тыя ж ўзоры запаўнення бюлетэняў ляжаць у кожнай кабінцы для галасавання.

“Праваабаронцы за свабодныя выбары”