Гродна: Участковая камісія “памылілася” ажно на 100 галасоў

Інцыдэнт здарыўся на ўчастку №92 Ленінскага раёна г. Гродна, які размяшчаецца ў памяшканні сярэдняй школы №31па Індурскай шашы. Увечары 18 снежня ў прысутнасці незалежных назіральнікаў Генадзя Грыгальца і Рамана Юргеля была афіцыйна абвешчана колькасць прагаласаваўшых датэрмінова – 387 чалавек. Якое ж было здзіўленне назіральнікаў, калі з раніцы старшыня камісіі сказала ім, што адбылася памылка і сапраўдная колькасць прагаласаваўшых датэрмінова на гэтым участку – 487. Прадстаўнік БХК Раман Юргель лічыць гэта грубейшым парушэннем, назіральнікі збіраюцца напісаць адпаведную заяву ў пракуратуру.

“Праваабаронцы за свабодныя выбары”