Свіслач: За Лукашэнку агітуюць у працоўны час

9 снежня ў памяшканні Свіслацкай жыллёва-камунальнай гаспадаркі быў сабраны калектыў гэтай установы. У працоўны час старшыня Свіслацкага райвыканкама Алег Таргонскі, які вярнуўся з так званага Усебеларускага сходу, разам з галоўным лекарам Свіслацкай цэнтральнай раённай бальніцы Іллём Турком агітавалі грамадзян галасаваць за Аляксандра Лукашэнку.

Гэта ўжо не першы выпадак агітацыі за дзеючага кіраўніка дзяржавы ў працоўны час. Тыдзень таму ў Свіслач прыязджаў Васіль Равяка, старшыня СВК “Прагрэс-Верцялішкі”, давераная асоба Аляксандра Лукашэнкі, і вёў агітацыю ў будынку раённага Дома культуры, дзе па загадзе мясцовага начальства ў працоўны час былі сабраны выбашчыкі.

“Праваабаронцы за свабодныя выбары”