Да 15-ці сутак адміністратыўнага арышту, якія актывіст незарэгістраванага моладзевага руху негвалтоўнага супраціву "Зубр" Яўген Афнагель адбываў у спэцпрыёмніку-разьмеркавальніку на вуліцы Акрэсьціна ў Мінску, дадаліся яшчэ сем за ўдзел у сьвяткаваньні Дня Волі.

15 сутак скончыліся ўвечары 9 красавіка, аднак Афнагеля на волю ня выпусьцілі. У жніўні мінулага году ён быў засуджаны на 10 сутак адміністратыўнага арышту за ўдзел у акцыі на падтрымку беларускае Незалежнасьці. Ён тады выйшаў з-за кратаў праз тры дні з прычыны рэзкага пагаршэньня стану здароўя. Цяпер Афнагель "адбывае" "недаседжаныя" суткі.