У ГАРОДНІ АРЫШТАВАНЫ ЯШЧЭ АДЗІН АКТЫВІСТ КАМАНДЫ АДЗІНАГА КАНДЫДАТА
Праваабаронца Віктар Сазонаў паведаміў, што гарадзенскі актывіст каманды Аляксандра Мілінкевіча Максім Губарэвіч быў затрыманы ўвечары 13 сакавіка каля крамы. Ён быў абвінавачаны ў нецэнзурнай лаянцы, сьведкамі чаго на судзе выступілі старшыя інспектары адзелу прафілактыкі Ленінскага РАУС г.Гродна Ленец Пётр Уладзіміравіч і Вечар Сяргей Іванавіч.
14 сакавіка судзьдзя Ленінскага суду Козел Натальля Рыгораўна прысудзіла Максіму Губарэвічу 7 сутак адміністратыўнага арышту за дробнае хуліганства.
Таксама ПЦ "Вясна" стала вядома, што сёньня ў Гродна павінны адбыцца судовыя паседжаньні па справах актывістаў непрызнанага Саюза палякаў Беларусі Юзафа Пажэцкага і Андрэя Пачобута, якіх, па папярэдніх зьвестках, таксама абвінавачваюць у нецэнзурнай лаянцы.
